درب التبانه
شايفين القمر يا اخوانا
قمر السماء المزدانه
كيف كبر في حجمه سرانا
وضوءه زاد وجهر نادانا
يا ناس درب التبانة
شبعنا ذل ومهانة
وكرهنا ضرب الدانة
رشحوا لينا نجمة آمنة
من الملايين في سمانا
تكون هادية ورايقة وعاجبانا
وكل احبابنا يكونوا حِدانا
نخلي الارض وما فيها لسوانا
اهل الجغم والبل والناس الطمعانا
ناس الحرب والنهب ديل ما معانا
ديل الملائكة ابوهم يوم الكريم سوانا
{قالوا أتجعل فيها من يفسد فيها ويسفك الدماء}
نخليها ليهم ونرحل ونعيش في أمانّا
وكمان نقترب من مقرنا الازلي خانة
من جنة الرضوان مكان خلقنا ومبتغانا
تعليقات